Bakı metrosunun Qırmızı xəttində texniki xəta qatarları gecikdirib, “İçərişəhər”də sıxlıq yaranıb

Foto: Official website of the President of the Republic of Azerbaijan, CC BY 4.0, Wikimedia Commons
20-11-2026 19:13

Noyabrın 20-də axşam Bakı metrosunun Qırmızı xəttində qatarların hərəkəti yubanıb. “Bakı Metropoliteni” QSC bildirir ki, qatarların hərəkətini tənzimləyən qurğuda qısamüddətli texniki xəta baş verib, buna görə təhlükəsizlik sistemi işə düşüb və hərəkət ehtiyat sistemlə idarə olunub.

Metropolitenin məlumatına görə, xəta 5 dəqiqə ərzində aradan qaldırılıb, Yaşıl və Bənövşəyi xətlərdə qatarlar qrafik üzrə hərəkət edib. Hazırda Qırmızı xətdə qatarların pik saat intervalı ilə işlədiyi bildirilir.

Yubanma axşam pik saatına düşüb. “İçərişəhər” və “28 May” stansiyalarında sərnişin sıxlığı yaranıb. “İçərişəhər” stansiyasında üç girişdən yalnız biri açıq olub.

Digər xəbərlər