Türkiyənin xarici işlər naziri İsrailin Suriyaya qarşı yeni hərbi əməliyyata başlaya biləcəyini deyir

Foto: President of Russia, CC BY 4.0, Wikimedia Commons
21-11-2026 23:11

Türkiyənin xarici işlər naziri Hakan Fidan İsrail ordusunun Suriyaya qarşı yeni hərbi əməliyyata başlaması ehtimalının olduğunu deyib. Nazir bu barədə “TGRT Haber” telekanalına müsahibəsində danışıb.

“İsrail ordusunun Suriyaya qarşı hərbi əməliyyata başlayacağı bir ssenari mövcuddur. Biz və regiondakı müttəfiqlərimiz bu barədə amerikalılara və avropalılara xəbərdarlıq edirik”, - Fidan deyib.

Türkiyə diplomatiyasının rəhbərinin sözlərinə görə, belə bir ssenari reallaşsa, nəticələri yalnız Suriya ilə məhdud qalmayacaq: “Bu, yeni münaqişəyə, daha böyük problemlərə və qeyri-müəyyənliyə səbəb olacaq”.

Türkiyə Suriyanın yeni hakimiyyətinin əsas dəstəkçilərindən biridir və İsrailin Suriya ərazisinə zərbələrini dəfələrlə tənqid edib.

Bəyanat region üçün gərgin vaxta düşür: ABŞ ilə İran arasında Körfəz və Hörmüz boğazı ətrafında hərbi qarşıdurma gedir. Türkiyə ilə İsrail arasında Suriya üzərində toqquşma riski Azərbaycan üçün də önəmlidir, çünki Bakı hər iki ölkə ilə yaxın əlaqələr saxlayır.

Digər xəbərlər