Bakı ilk dəfə 20 yaşadək basketbolçuların Avropa çempionatına ev sahibliyi edəcək

Foto: Dilaver Najafov, CC BY-SA 4.0, Wikimedia Commons
21-11-2026 18:02

Azərbaycan ilk dəfə basketbol üzrə 20 yaşadək oğlanlar arasında Avropa çempionatına ev sahibliyi edəcək. Azərbaycan Basketbol Federasiyasının məlumatına görə, qərar noyabrın 20-də Almaniyanın Hamburq şəhərində FIBA Avropa İdarə Heyətinin iclasında qəbul edilib.

İclasda 2027-ci ildə keçiriləcək gənclər Avropa çempionatlarının ev sahibi şəhərləri təsdiqlənib. Bakıya 20 yaşadək oğlanlar arasında turnirin B divizionu verilib. Bu, Avropa çempionatının ikinci pilləsidir və burada komandalar güclülər sırasına, yəni A divizionuna yüksəlmək uğrunda mübarizə aparır.

Federasiya bu qərarı Azərbaycan basketbolunun inkişafı və ölkədə beynəlxalq yarışların təşkili üçün “mühüm hadisə” adlandırıb. Turnir 2027-ci il iyulun 9-dan 18-dək keçiriləcək.

Digər xəbərlər