Azərbaycan cüdoçusu Məhəmməd Musayev gənclər arasında dünya çempionatında bürünc medal qazanıb
Özbəkistanın paytaxtı Daşkənddə keçirilən gənc cüdoçular arasında dünya çempionatının ilk günündə Azərbaycan komandası bir medal qazanıb. Məhəmməd Musayev 66 kiloqram çəkidə bürünc medala sahib çıxıb.
Musayev üçüncü yer uğrunda görüşdə Rusiyanı təmsil edən İslam Sultiqovu udub.
Qadınlar arasında 57 kiloqram çəkidə mübarizə aparan Xədicə Qədəşova isə bürünc medal görüşündə sloveniyalı Nika Tomça məğlub olub.
Gənclər arasında dünya çempionatı noyabrın 22-də başa çatacaq.
