Tramp Putinlə üçtərəfli görüşdən əvvəl: Çinlə birlikdə Rusiya-Ukrayna müharibəsinin bitməsinə kömək etmək istəyirik

Arxiv foto: The White House, Public domain, Wikimedia Commons
19-11-2026 10:34

ABŞ Prezidenti Donald Tramp Çin sədri Si Cinpinlə Şençjen şəhərində keçirdiyi ikitərəfli görüşdə Vaşinqtonla Pekinin Rusiya ilə Ukrayna arasındakı müharibənin bitməsinə kömək etmək istədiyini deyib. “Hər ikimiz Rusiya ilə Ukrayna arasındakı müharibənin başa çatmasına kömək etməyə çalışırıq. İstərdim ki, bu müharibə bitsin. Düşünürəm ki, bunu ikimizin adından deyə bilərəm”, - deyə Tramp bildirib.

Tramp Ukrayna mövzusunu həmin gün Rusiya prezidenti Vladimir Putin və Si Cinpinlə keçiriləcək üçtərəfli görüşdə də qaldıracağını və bu görüşün uğurlu olacağına ümid etdiyini deyib. Tramp və Putin APEC sammitinin kənarında noyabrın 19-da artıq ikitərəfli görüş keçiriblər.

ABŞ prezidentinin sözlərinə görə, Vaşinqton da, Pekin də enerji daşımalarının Hörmüz boğazından keçməsində və İranın nüvə silahına sahib olmamasında maraqlıdır. “Biz hər ikimiz bunu çox güclü şəkildə dəstəkləyirik. Potensial əməkdaşlıq üçün başqa sahələr də var”, - deyə Tramp bildirib.

Tramp həmçinin ABŞ və Çinin qarşılıqlı tarifləri 30 milyard dollara qədər azaltdığını deyib. Görüşdən sonra hər iki lider ikitərəfli münasibətlərin möhkəmləndiyini qeyd edib.

Hörmüz boğazındakı gərginlik dünya neft bazarına birbaşa təsir edir. Neftin qiyməti isə gəlirlərinin böyük hissəsini neft və qaz ixracından əldə edən Azərbaycan büdcəsi üçün əsas göstəricilərdən biridir.

Digər xəbərlər