Rusiyada hərbi məhkəmə “Nə? Harada? Nə zaman?” oyununun azərbaycanlı keçmiş iştirakçısını qiyabi mühakimə edəcək

Foto: Farhad, CC BY-SA 3.0, Wikimedia Commons
18-11-2026 12:03

Moskvadakı İkinci Qərb Dairə Hərbi Məhkəməsi “Nə? Harada? Nə zaman?” intellektual televiziya oyununun keçmiş iştirakçısı Rövşən Əsgərovun cinayət işinə qiyabi qaydada, yəni onun iştirakı olmadan baxacaq.

Məhkəmənin mətbuat xidməti Rusiyanın dövlət agentliyi TASS-a bildirib ki, işin materialları məhkəməyə daxil olub, iclasın tarixi isə hələ müəyyən edilməyib. Rusiya istintaqı Əsgərovu “nasizmin reabilitasiyasında”, Rusiya ordusu haqqında “saxta məlumat” yaymaqda, nifrətə təhrikdə və “terror xarakterli” digər cinayətlərdə ittiham edir.

Rusiyada ordu haqqında “saxta məlumat” yaymağa görə cinayət məsuliyyəti 2022-ci ildə, Putinin Ukraynaya geniş miqyaslı hücum əmrindən sonra qəbul edilib. Bu maddə o vaxtdan müharibəni tənqid edən jurnalistlərə, siyasətçilərə və ictimai fiqurlara qarşı tətbiq olunur; onların bir çoxu ölkəni tərk etdikdən sonra qiyabi mühakimə edilib.

Digər xəbərlər