Gələn il altıncı sosial islahat paketi gözlənilir, nazirlik yayılan müavinət məbləğlərinin yekun olmadığını deyir

Əmək və Əhalinin Sosial Müdafiəsi Nazirliyi Prezident İlham Əliyevin tapşırığı ilə gələn il növbəti, altıncı sosial islahat paketinin icrasının planlaşdırıldığını bildirib. Nazirliyin sözlərinə görə, hazırlıq işləri gedir, qurumlar proqnoz və təkliflər hazırlayır.

"Bu gün bəzi media resurslarında və sosial şəbəkələrdə müavinət artımları ilə bağlı paylaşılan konkret məbləğlər də yekun xarakter daşımır", - nazirlik bildirib.

Bu açıqlama 2027-ci il büdcə layihəsindəki rəqəmlərin müzakirə olunduğu günə düşüb: layihədə uşağın doğulmasına görə birdəfəlik müavinətin 600 manatdan 1500 manata, yaşayış minimumunun 300 manatdan 314 manata qaldırılması, orta aylıq əmək pensiyasının isə 639 manat olması göstərilib. Layihə hələ Milli Məclisdə qəbul edilməyib.