Bakı Humanitar Kollecində tələbənin tələbə yoldaşını bıçaqladığı deyilir, kollec rəhbərliyi xəsarət alanın vəziyyətinin qənaətbəxş olduğunu bildirir

Bakı Humanitar Kollecinin "Gənclik" tədris korpusunda iki tələbə arasında mübahisənin bıçaqlanma ilə nəticələndiyi deyilir. "Haqqın" saytı yazır ki, tələbələrdən biri ağır xəsarət alıb, hüquq-mühafizə orqanları 17 yaşlı yeniyetmənin kimliyini müəyyən edərək onu saxlayıb.

Kollec rəhbərliyi bildirir ki, hadisə noyabrın 2-də dərsdənkənar vaxtda baş verib. Rəhbərliyin sözlərinə görə, xəsarət alan tələbəyə təcili tibbi yardım göstərilib, hazırda həkimlər onun vəziyyətini qənaətbəxş hesab edir.

Hüquq-mühafizə orqanlarının istintaq hərəkətləri apardığı, münaqişənin səbəblərinin araşdırıldığı bildirilir.