İlham Əliyev Paşinyanı müdafiə etdi
Azərbaycan Prezidenti İlham Əliyev Ermənistan ordusunun Nikol Paşinyan tərəfindən deyil, Koçaryanın və Sarkisyanın simasında bu ölkənin keçmiş rəhbərlikləri tərəfindən yaradıldığını deyib.
Bu barədə İlham Əliyev dekabrın 18-də Müstəqil Dövlətlər Birliyi (MDB) Dövlət Başçıları Şurasının videokonfrans formatındakı sammitində danışıb.
Prezident Ermənistanın keçmiş prezidentlərinə müraciət edərək, onları "hazırkı vəziyyətdən Paşinyana qarşı və özlərinin siyasi məqsədləri üçün sui-istifadə etməməyə" çağırıb.
Dağlıq Qarabağdakı hazırkı vəziyyətlə bağlı açıqlamasında isə o deyib ki, münaqişə barədə artıq ancaq keçmiş zamanda danışmaq lazımdır. İlham Əliyevin sözlərinə görə, Qarabağda atəşkəsə əməl olunur və o, hər gün "daha da möhkəmlənir".(toplum.tv)