Milli Şuranın mitinqi - FOTOLAR+VİDEO+YENİLƏNİB
Milli Şuranın mitinqi ba çatıb.
***
Cəmil Həsənli isə ilk olaraq gəncliyi salamlayıb və xalqının gələcəyinin onların mübarizəsindən asılı olduğunu vurğulayıb. O, mitinqin keçirilməməsi, alınmaması üçün hakimiyyətin bir çox yollara əl atdığını, hətta onun profilini oğurladığını xatırladıb: “Mayası oğurluqla tutulmuş hakimiyyətdən bundan artıq nə gözləmək olar? Əvvəl Əliyev sülaləsi hakimiyyəti oğurladı, sonra sərvətləri. Sonra səs oğurluğuna keçdi. Bu millətin haqqını oğurladı, sonra da profil oğurlamağa keçdi. Oğurluğu bu halal ölkədə ənənəyə keçirənlərə ar olsun!”. Onun sözlərinə görə, nə vaxta qədər ki, xalq haqqını tələb etməyəcək, haqqı yeyiləcək: “Heç bir əzazil rejim ədədi deyil. Bir gün bu xalq bu rejim üzərində öz qələbəsini qeyd edəcək”. C.Həsənli qeyd edib ki, növbəti mitinq aprelin 5-də, saat 15.00-da, elə bu meydanda keçiriləcək: "Qələbəyə doğru!".
Arqument.Az-ın əməkdaşı xəbər verir ki, mitinqdə ilk çıxışı AXCP sədri Əli Kərimli edib.
O bildirib ki, bu gün meydana toplananlar bir nəfər kimi hakimiyyətin talanına “yox” deyənlərdir: "Bu gün bizim düçar olduğumuz bu durum hakimiyyətdəkilərin yarıtmaz siyasətinin nəticəsidir. Onlar bu gün antixalq siyasəti yürüdürlər. Xalqın başına oyun açılır. Hakimiyyət korrupsiyasından qalmır".
***
Bu barədə Arqument.Az-ın mitinqdə olan əməkdaşı xəbər verir.
Onun verdiyi məlumata görə, Milli Şura rəhbərliyi artıq mitinqi açıq elan edib. Mitinq Azərbaycan himnli ilə başlayıb və hazırda davam edir. Mitinqin aparıcısı AXCP sədrinin müavini Əbülfəz Qurbanlıdır.
***
Arqument.Az-ın əməkdaşı xəbər verir ki, artıq mitinq iştirakçıları "Məhsul" stadionuna toplaşır.
Mitinqə Azərbaycan və Avropa Birliyinin bayraqları gətirilib. Ərazi polis nəzarətindədir və artıq vətəndaşları stadiona daxil olmasına icazə verilib. Milli Şura rəhbərliyi isə hələ ki, gəlməyib. Heç bir insident də qeydə alınmayıb.
***
Bu gün saat 15:00-da Milli Şura metronun "İnşaatçılar" stansiyasının yaxınlığında yerləşən "Məhsul" stadionunda mitinq keçirməyi planlaşdırır.
Arqument.az xəbər verir ki, "Talana son!" adı altında keçirilən mitinq Bakı Şəhər İcra Hakimiyyətilə razılaşdırılıb və 2 saat davam edəcəyi gözlənilir.
Milli Şuranın tədbirində bəzi müxalifət partiyaların üzvlərinin də iştirak edəcəyi gözlənilir.
Arqument.az-ın hadisə yerində olan əməkdaşı xəbər verir ki, hüquq-mühafizə orqanlarının əməkdaşları sözügedən ünvandadırlar.
Arqument.az
