Dörd hərbçinin qəzada həlak olduğu bildirilir
Sumqayıt şəhəri ərazisində iki minik avtomobilinin toqquşması nəticəsində 4 hərbi qulluqçu həlak olub.
Məlumatı Müdafiə Nazirliyi təsdiqləyib.
TƏBİB-dən bildirilib ki, qəza zamanı 4 hərbçidən əlavə 1 mülki şəxs də həyatını itirib.
Qeyd olunub ki, yaralılardan birinin vəziyyəti ağır, digərinin vəziyyəti orta-ağır qiymətləndirilir.
Hadisə Bakı-Şamaxı magistralında, Müşfiqabad qəsəbəsi ərasində qeydə alınıb. Belə ki, "Saipa” və "Opel” markalı avtomobillər toqquşub. Nəticədə, beş nəfər ölüb, iki nəfər ağır xəsarət alıb.
Hadisə yerinə hüquq-mühafizə orqanlarının əməkdaşları cəlb olunub.
