Tramp NATO-ya yeni ad təklif edib
ABŞ Prezidenti Donald Tramp NATO-nun Yaxın Şərqdəki fəaliyyətini genişləndirilməsinin vacibliyini deyib.
O bildirib ki, regiona NATO qoşunları yerləşdirilməlidir.
Bu barədə "Associated Press" məlumat yayıb.
"Yaxın Şərq ərazisi də daxil olmaqla, NATO fəaliyyətini genişləndirməlidir. Elə indi yük bizim üzərimizə düşür və bu haqsızlıqdır”, - Tramp bildirib.
O, həmçinin alyans üçün yeni adı təklif edib: NATOME (NATO və Yaxın Şərq regionunun ingiliscə tərcüməsinin "Middle East" baş hərfləri ilə-red).
ABŞ prezidenti qeyd edib ki, NATO-nun baş katibi Yens Stoltenberq onun təklifindən həyəcanlanıb".
Tramp və Stoltenberq yanvarın 8-də telefonla Yaxın Şərqdə yaranmış vəziyyəti müzakirə ediblər.
Dövlət başçısı və alyans rəhbəri alyansın regionda sabitlik və beynəlxalq terrorizmlə mübarizə üçün daha çox şey edə biləcəyi ilə bağlı ortaq mövqeyə gəliblər.
