KXCP fəalı saxlanıldı
Bu gün, oktyabrın 23-ü Rusiyadan Azərbaycana qayıdan Cumhuriyyət tarixi üzrə araşdırmaçı mütəxəssis, KXCP fəalı Ceyhun Nəbi həbs edilib.
O, yaşadığı Şəmkir rayonundan Bakıya gətirilib.
Bu barədə hüquq müdafiəçisi Oqtay Gülalıyev Facebook səhifəsində yazıb.
O. Gülalıyevin sözlərinə görə, Şəmkir rayon polis şöbəsindən ailəsinə verilən məlumatda Ceyhunun dövlət işinə görə Bakıya aparıldığı deyilib.
Ceyhun Nəbi araşdırma üzrə mütəxəssis və bir neçə kitab müəllifi olsa da sosial şəbəkələrdə tənqidi çıxışlar edirdi.
Onun həbsinin müxalif mövqeyi və çıxışları ilə bağlı olduğu güman edilir.