Ali Məhkəmə şərti azadetmə və xəstəliyə görə cəzadan azadetmə barədə qərar qəbul edib

Ali Məhkəmənin Plenumu cəzadan şərti olaraq vaxtından əvvəl azadetmə, cəzanın qalan hissəsini daha yüngül cəza ilə əvəzetmə, cəzaçəkmə müəssisəsinin növünü dəyişmə və xəstəliyə görə cəzadan azadetmə üzrə məhkəmə təcrübəsi haqqında qərar qəbul edib.

Qərar layihəsi iclasda səsə qoyularaq qəbul olunub.

Plenumun belə qərarları ölkə məhkəmələri üçün istiqamətverici sənəddir və məhkumların vaxtından əvvəl azad edilməsi ilə bağlı işlərdə qanunun eyni cür tətbiqinə xidmət edir.

İclasda həmçinin Plenumun bəzi əvvəlki qərarlarına dəyişiklik edilib, Vəkillərin İxtisas Komissiyasındakı hakim üzvlərlə bağlı qərar yenilənib və Sumqayıt İnzibati Məhkəməsinin 2025-2026-cı illərdəki işi barədə məlumat dinlənilib.