Azərbaycan taekvondoçusu Qaşim Maqomedov Serbiyada beynəlxalq turnirdə qızıl medal qazanıb

Azərbaycanın taekvondo millisinin üzvləri Belqradda keçirilən "Serbia Open 2026" beynəlxalq turnirində 1 qızıl və 1 bürünc medal qazanıb. Azərbaycan Taekvondo Federasiyası bildirir ki, Qaşim Maqomedov 63 kiloqram çəkidə qalib gəlib.

Qadınların mübarizəsində 46 kiloqram çəkidə Minayə Əkbərova üçüncü yeri tutub.

Oktyabrın 31-dən noyabrın 1-dək Ranko Jeraviça arenasında keçirilən turnir Dünya Taekvondo Federasiyasının G-1 reytinq statusuna malikdir.