Azərbaycan əsgəri Kəlbəcərdə itkin düşüb
İyulun 23-də günorta saatlarında Azərbaycan Ordusunun müddətli həqiqi hərbi xidmət hərbi qulluqçusu əsgər İbayev Kamiz Mübariz oğlunun dövlət sərhədinin Kəlbəcər rayonu sahəsində itkin düşdüyü bildirilir.
Bu barədə APA-ya Müdafiə Nazirliyindən məlumat verilib.
Bildirilir ki, hərbi qulluqçumuzun axtarışı istiqamətində müvafiq tədbirlər görülür.
"Hazırda faktla bağlı araşdırma aparılır", - Müdafiə Nazirliyi belə deyir.
