Bolqarıstanda hökumət həftələrdir davam edən etirazlardan sonra istefa verib

Bolqarıstanda hökumət həftələrlə davam edən küçə etirazlarından sonra istefaya gedib.

Baş nazir Rosen Jelyazkov qərarı dekabrın 11-də televiziya vasitəsilə elan edib.

“Koalisiyamız toplaşdı, mövcud vəziyyəti, qarşılaşdığımız çağırışları və məsuliyyətlə qəbul etməli olduğumuz qərarları müzakirə etdik”, – Jelyazkov bildirib.

Bir gün əvvəl isə minlərlə bolqar Sofiya və digər onlarla şəhər və qəsəbədə etiraz yürüşlərinə qatılıb. Bu, korrupsiya və hökumətin onu aradan qaldıra bilməməsi ilə bağlı ictimai qəzəbi nümayiş etdirən ən son aksiyalardan biri olub.

“Biz başa düşürük ki, etiraz təkəbbür və eqoizmə qarşı idi, bu sosial etiraz deyil, dəyərlər uğrunda etirazdır. Bu, siyasətçilərin siyasətləri üzərində görüşü deyildi, münasibətlər üzərində idi və buna görə də Bolqarıstan cəmiyyətinin müxtəlif təbəqələrini birləşdirir”, – baş nazir çıxışında deyib.

Bolqarıstan 2007-ci ildə üzv olduğu Avropa İttifaqının ən kasıb və ən çox korrupsiyadan əziyyət çəkən üzv ölkəsi olaraq qalır.